الرئيسيةاليوميةس .و .جبحـثالتسجيلدخول

شاطر | 
 

 قصة حب حقيقية شوفوا اشصار بالولد خطية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مدير المنتدى
Admin
avatar

عدد الرسائل : 189
العمر : 47
تاريخ التسجيل : 04/05/2008

مُساهمةموضوع: قصة حب حقيقية شوفوا اشصار بالولد خطية   الثلاثاء 9 سبتمبر - 13:23

احب احجيلكم قصة ولد حب بنت بس من راح يخطبه من اهلهة مقبلوا بيه او هذي طبعا قصة حقيقية

ثالثاً : اتركم مع القصة بس تره راح اكتب بالعامية ما اكتب بالفصحة



بدت قصة الحب بجامعة بغداد

الولد ايداوم بجامعة بغداد قسم تاريخ والبنية هم قسم تاريخ

بس الولد جان بيتهم ابغداد والبنية بيتهم بالبصرة شاءت الصدف انو الولد شاف هاي البنية انعجب بيها فراح يتعرف عليها فمرت ايام وهمة واحد ايشوف الثاني واتطورت العلاقة صار بيها نوع من الحب من الطرفين , بعد ان صار اكو حب من الطرفين البنية كالت لحبيبها اذا انت اتحبني واني احبك ليش متجي تتقدم الاهلي مو احسن , الولد مكال شي وافق على الفكرة واخذ اهلة وراحوا وين راحوا للبصرة اخذ امه وابو وراحوا البيت البنية فدخلوا عليهم وكعدو عدهم وكالوهم احنه اليوم جاين نخطب بتكم لابننا , فاام البنية وافقت بس ابوها كال له انت شتشتغل كال له اني بعدني طالب انشاء الله من اتخرج اصير مدرس وانشاء الله ايصير عندي وضيفة وانشاء الله الكالي شغلة ابو البنية معجبتة هاي السالفة كال زين من تتزوج بنتي وين راح اتعيشها كله هسة نكعد ببيت اهلي لحد ما اتعين واطلع واشتري بيت ونكعد بيه اني وبنتك , ابوها موافق عليه كله من اتصير موظف وتشتغل يلة تجي على بنتي . الولد كلة زين هسة بس خطوبة ابوها ماكو قفل كلة ماكو لا خطوبة ولا زواج اله اتسوي الي كتلك عليه

ورجعوا للبيت خطية الولد ضايج روحه طالعة
ثاني يوم راح للجامعة فشاف ولد جماعته وحجالهم على الي صار فواحد من جماعته كلي اني عندي حل كله شنو يمعود انقذني كلة اني اعرف وحدة اتسوي سحر اتروح الها وكول الها بحالتك وهية اتخلي ابوها غصباً عليه ايوافق حتى لو رحت وهدومك مشككه هم ايوافق. الولد كيف كلة وين صايرة دلا عليها وراحل الها الولد
الهاية السحارة وكلهة على شغلته كلته سهلة طلعت ورقة بيضة وكامت تكتب بيه خلصت طبكت الورقة وكالت له هاي الورقة لا انت تكدر تقراها ولا اي واحد وكالته بس اذا حسيت روحك راح اتموت يلة تكدر تقرأ شنو مكتوب بالورقة كال الها هسة من اروح اخطب البنية ابوها ايوافق كالته روح ومعليك
والله الولد كيف وراح على اهله كالهم خلي انروح نخطب البنية كالولة شنو لكيت تعيين وشتغلت وراح اتجيب بيت للبنية مثل ما راد ابوها , كالهم معليكم بس امشوا خلي انروح والله راحوا اول ما طبوا للبيت ابو البنية رحب بيهم وسلم على الولد وجان فرحان حيل كالولة انت تعرف عليمن جايين كال اكيد كال هاية بنتي كدامكم اخذوها او روحوا كالوا انت مو كلت اله يجيب بيت وتصير حالته زينة يلة كالهم الله كريم

والله خطبها للبنية ومرت ايام وتزوجوا وجابوا جهال والحمد لله

يوم من الايام رجع الولد من الشغل للبيت فنزع اهدومه وذبهن وطب يسبح فجتي البنية اتريد تغسل الملابس لكت ورقة (هية نفس الورقة) الي كتبته السحارة للولد فقرت الورقة وراحت الزوجة كالت له هسة اتطلكني وبعد ما اريد اشوفك بالبيت كال الها شكو شمرت الورقة عليه وراحت وهو ميكدر يقرا الورقة اله يحس بروحه راح ايموت يلة راح يكدر يقراها مثل ما كالت اله السحارة
راح على اهل المرة كالهم يمعودين متكلولي اشبيها
ابوها كاله بلة انطيني الورقة خلي اشوف شمكتوب بيها فقرة الورقة قراها وشمرها بوجهه كلة هسة اطلك بنتي وبعد متفوت بيتنه .
اتخبل الولد راح على ابوه كلة بالسالفة ابوه كلة انطيني الورقة خلي اشوف اشبيها الولد خاف كلة انوب انته هم اتصير مثلهم كله اني شعليه بيهم اني ابوك قابل واحد غريب والله اخذ الورقة وقراها هم شمرها بوجهه كله روح انت لا ابني ولا اعرفك وطرده من البيت
الولد اتخبل راح للشغل مالته فمن ايخلص الشغل كام ميروح للبيت ايضل كاعد الوحدة ويبجي ابو الشغل مالته شافه سئل العمال كالهم شبي هذا الولد كالولة هيج وهيج السالفة كالللهم صيحوا
اجه الولد سئله كله اشبيك ابني ليش ضايج كاله بالسالفة كاله بلة انطني الورقة خلي اشوف شمكتوب بيها كله اخاف انت هم تطردني ابو الشغل كلي عمي اعرفك تعرفني من بقيت اهلك اني كله شعلية بيك كله زين هاك هاية الورقة قرة الورقة شمرها بوجهه كله امشي بعد ما اريد اشوفك وجهك بالمنطقة كلها راح الولد خطية انوب ضل ايدور على شغل حته ايعيش فراح اشتغل ويه واحد عندة قارب يعني صياد سمك فكام يطلع وياه بالقارب ويوم من الايام ابو القارب شاف الولد ضايج كله بابا شبيك كاله هيج وهيج كاله الله ايساعدك بلة انطيني الورقة خلي اشوف شمكتوب بيها كله عمي عوفني انوب حته انت هم تطردني كلة عمي اني رجال جبير وما اعرفك شعندي وياك انطيني خلي اشوف شنو مكتوب بالورقة والله اخذ الورقة وقراها انطاها للولد وخلاهه بجيبه وشمره من القارب للبحر انوب هو ميعرف يسبح راد يغرك والله اجتي الناس وطلعته من البحر حس ابروحه راح ايموت كال هو اني راح اموت خلي اشوف شمكتوب بالورقة طلع الورقة راد يقراها
^
^
^
^
^
^
^
^
^
^
^
نزلو اشوية بعد
^
^
^
^
^
^
^
^
^
^
^
^
^
^
طلع الحبر ممسوح والكتابة ممسوحة


انشاء الله عجبتكم القصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-marefa-vb.ahlamountada.com
حواء
عضوة مميزة جدا
عضوة مميزة جدا


عدد الرسائل : 189
العمر : 37
تاريخ التسجيل : 05/05/2008

مُساهمةموضوع: رد: قصة حب حقيقية شوفوا اشصار بالولد خطية   الثلاثاء 9 سبتمبر - 23:18

والله قصة حلوة بس اعتقد مبتورة ومحيرة وين النهايه !!!!ما عرفنه شنو مكتوب بالورقة !!!


اكيد الساحرة كاتبة اللي يقرة الورقة لازم يطرد هذا الشخص والا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الموسوية
عضوة مميزة جدا
عضوة مميزة جدا
avatar

عدد الرسائل : 48
تاريخ التسجيل : 21/08/2008

مُساهمةموضوع: رد: قصة حب حقيقية شوفوا اشصار بالولد خطية   الخميس 30 أكتوبر - 4:15

هسة لو اعرف منين تجيب هاي السوالف كان ارتاحيت
يامديييييييييييييييييرررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة حب حقيقية شوفوا اشصار بالولد خطية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبية :: قصص و روايات-
انتقل الى: