يابو فاضل/الشاعر نعمه السيلاوي

[center][b] يابوفاضـــــــــل

يابوفاضل وانته سبع الكنطــــــــره اشلون بت حيدر تروح ميســره

من اجيتو الكربله انته الكفــــيــــل وانته حادي اظعونها وانته الدليل
ونته ابن كرارها حامي الدخــــيل داحر احصون اليهود بخيبــــره

ابخيبر وصفين وبغزوة احـــــــــد تاهت اعكول العده وكل الحشـــد
يابو فاضل صدك مكطوع الزنــــد وهامتك من السيوف امطبـــــره

يابو فاضل طلعت وياك الحــــرم الدليل انته يشيال العلـــــــــــــم
والهويت اعليه بسيفك ماسلـــــــم واللشش سيفك دعاها امبعثـــره

مبعثره بسيفك صناديد الرجـــال والتكصده ينجه من رمحك محال
من طحت ياشبل حيدرعل رمال ريت زينب فوك راسك حاضــره

يابوفاضل منته كافلها العيــــــال امن المدينه الكربله اتباري الجمال
ومن وصلت الكربله وسوح القتال الحرم بحماك كون امخـــــــدره

الحرم بحماك كون امن السبـــي وهلحرم لنصارك وآل النبــــــي
وانته تشبه عودك الحر الابــي والف هنياله اليشابه حيـــــــــدره

حيدر الجندل صناديداليهـــــــود وي رسول الله ضل اعل العهــود
حطم اصنام الكفر والكل شهــود وجيشه فوك ابواب خيبر عبــــره

يابو فاضل ياقمر هاشم يحيــــد ترضه زينب تدخل المجلـس يزيد
وعل رمح شالوصدك راس الشهيد احسين اخوك وما اضن تتـــعذره

شلون ترضه اعيالكم وسط الاجناب وانته ابن عقد الوله وداحي الباب
زينب اوحيده وسده اعليها المصاب والجره اعليهاابد ماضن جـــــره

نعمه السيلاوي
[center][/b][b]

عشت والله وعاشت اياديك على هذه الدرر بحق من قال به الشاعر ابا الفضل الا ان تكون له ابا مأجور اخي

سلمت اناملك

مأجور اخي